İranın Beynəlxalq Atom Enerjisi Agentliyi (MAQATE) ilə əməkdaşlığı dayandırmasından sonra agentliyin X sosial media platformasında yer alan yazıya görə, Qrossi məsələ ilə bağlı açıqlama verib.
Turkustan.az xəbər verir ki, Qrossi deyib ki, MAQATE-nin İrandakı müşahidə və yoxlama fəaliyyətlərini mümkün qədər tez bərpa edə bilməsi üçün bu prosesi necə həyata keçirəcəyi ilə bağlı Tehranla danışıqlar aparması həyati əhəmiyyət kəsb edir.
MAQATE-dən verilən başqa bir açıqlamaya görə, İsrailin hücumları ilə başlayan münaqişə boyu İranda qalan müfəttişlər Agentliyin Vyanadakı qərargahına qayıdıblar.
İran Qrossini İsrail və ABŞ-ın onun nüvə obyektlərinə hücumlarını qanuniləşdirməkdə və İsrailin xeyrinə casusluqda ittiham edib və Qrossinin bir daha ölkəyə daxil olmasına icazə verilməyəcəyini açıqlayıb.
İran parlamenti iyunun 25-də MAQATE ilə əməkdaşlığı dayandıran qanun layihəsinin təsdiqinə səs verib. Parlamentin qəbul etdiyi qanunları təsdiq edən Keşikçilər Şurası da iyunun 26-da qanunu təsdiqləyib.
MAQATE ilə əməkdaşlığı dayandıran qanun iyulun 2-də prezident Məsud Pezeşkianın imzası ilə qüvvəyə minib.
Aytən Yaşar/ Turkustan.az
