Beyləqanda su kanalında batan yeniyetmənin meyiti TAPILDI

Xəbər verdiyimiz kimi, 3 iyul 2025-ci il tarixində Yeni Xanqızı suvarma kanalının Beyləqan şəhəri, Xocavənd qəsəbəsi ərazisindən keçən hissəsində 1 nəfərin batması barədə daxil olmuş məlumat əsasında FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri tərəfindən dərhal axtarışlara başlanılıb.

Bizim.Media xəbər verir ki, axtarışlar nəticəsində kanalda batmış 2011-ci il təvəllüdlü Qasımlı Əkbər Nizami oğlunun meyiti bu gün suda tapılıb çıxarılaraq aidiyyəti üzrə təhvil verilib.

Qeyd edək ki, meyit boğulma hadisəsi baş vermiş ərazidən 7 kilometr kənarda aşkar edilərək aidiyyəti üzrə təhvil verilib.

Elgün Gəncimsoy, Bizim.Media, Qarabağ bürosu.