Rusiya Mülki Aviasiya İdarəsinin məlumatına əsasən, Nordwind aviaşirkəti Moskva ilə Pxenyan arasında müntəzəm reyslər üçün icazə alıb.
NOCOMMENT.az xəbər verir ki, bunu Rosaviasiyanın məlumatları sübut edir.
Uçuşların tezliyi həftədə iki dəfəyə qədər təşkil ediləcək. Rusiya ilə KXDR arasında hava əlaqəsinin genişləndirilməsi ilə bağlı danışıqlar dəmir yolu daşımalarının bərpası fonunda aparılır.
Qeyd edək ki, 25 iyun tarixində Pxenyandan gələn qatarın bir vaqonu Moskvadakı Yaroslavl vağzalına çatıb. Bu, son beş ildə bu marşrut üzrə ilk qatar səfəri olub.
