PKK lideri Abdullah Öcalanın İmralı həbsxanasında çəkilmiş video müraciəti yayımlanıb.
Musavat.com xəbər verir ki, PKK-yə yaxın Fırat xəbər agentliyi tərəfindən yayımlanan görüntülərdə Öcalan, silahı deyil, siyasəti və toplumsal barışı müdafiə etdiyini bildirib.
O, “PKK-nın silahlı mübarizəsi və ayrı dövlət məqsədi miadını doldurub. Artıq demokratik siyasətə keçid zamanıdır”, – deyə vurğulayıb və PKK-ya özünü buraxma çağırışı edib.
Qeyd edək ki, PKK 5-7 may tarixlərində keçirdiyi 12-ci qurultayda özünü buraxdığını və silahlı fəaliyyətinə son verdiyini açıqlayıb. Öcalanın çıxışı Türkiyədə və beynəlxalq aləmdə də geniş rezonans doğurub.
Musavat.com
