Salyanda 3 nəfərin ölməsi ilə nəticələnən yol qəzası ilə bağlı cinayət işi başlanılıb.
News24.az xəbər verir ki, Sərraf Abasağa oğlu Qəfərov idarə etdiyi QAZ-31105 markalı minik avtomobili ilə hərəkətdə olarkən idarəetməni itirib və nəqliyyat vasitəsi yolun sol kənarında yerləşən şorsu kollektoruna aşıb.
Nəticədə sürücü S.Qəfərov, həmçinin avtomobildə olan sərnişinlər – Camal Mürşüd oğlu Dəmirov və Ramiq Vahid oğlu Həsənov hadisə yerində suda boğularaq ölüb.
Faktla bağlı Salyan Rayon Polis Şöbəsində Cinayət Məcəlləsinin 263.3-cü (yol istismar qaydalarını pozma, iki və daha çox şəxsin ölümünə səbəb olduqda) maddəsi ilə cinayət işi başlanılıb, müvafiq ekspertizalar təyin edilib.
