Fövqəladə Hallar Nazirliyinin “112” qaynar telefon xəttinə Sumqayıt şəhəri, 6-cı mikrorayon ərazisində yaşayış binasında yanğın baş verməsi barədə məlumat daxil olub.
Bu haqda APA-ya Fövqəladə Hallar Nazirliyinin Mətbuat Xidməti məlumat verib.
Bildirilib ki, məlumatla əlaqədar dərhal əraziyə FHN-in Dövlət Yanğından Mühafizə Xidmətinin Sumqayıt şəhər Yanğından Mühafizə İdarəsinin və Sumqayıt Regional Mərkəzinin qüvvələri cəlb olunub.
Yanğınsöndürənlərin çevik müdaxiləsi sayəsində onbirmərtəbəli yaşayış binasının üçüncü mərtəbəsində yerləşən mənzildə baş vermiş yanğın genişlənməsinə, o cümlədən digər mənzillərə keçməsinə imkan verilmədən qısa müddətdə söndürülüb.
Təhlükəsizlik tədbirləri çərçivəsində 7-si uşaq olmaqla 22 nəfər bina sakini təxliyə edilib.
Yanğın nəticəsində ümumi sahəsi 80kv.m. olan ikiotaqlı mənzilin yanar kostruksiyaları 40 kv.m. sahədə yanıb.
Mənzilin qalan hissəsi və digər mənzillər yanğından mühafizə olunub.
***
00:04
Sumqayıtda hündürmərtəbəli yaşayış binasında baş vermiş yanğın Fövqəladə Hallar Nazirliyinin yanğınsöndürən briqadaları tərəfindən söndürülüb.
APA xəbər verir ki, hadisə zamanı mənzillərdən ümumilikdə 22 nəfər nazirliyin əməldaşları tərəfindən təxliyə olunub.
***
23:32
Sumqayıtın 6-cı mikrorayon ərazisində çoxmərtəbəli yaşayış binasında yanğın baş verib.
APA xəbər verir ki, hadisə zamanı binada yaşayan sakinlər arasında tüstüdən zəhərlənənlərin olduğu bildirilir.
Yanğının hansı səbəbdən baş verdiyi hələlik məlum deyil. Hadisə yerinə dərhal yanğınsöndürən briqadaları cəlb olunub və yanğının söndürülməsi istiqamətində işlər aparılır.
Mənzillərdə qalan sakinlərin oradan çıxarılması ilə bağlı da işlər görülür.
Məsələ ilə bağlı aidiyyəti qurumlar tərəfindən araşdırma aparılır.
