İsrail Hərbi Hava Qüvvələri Ənsar Allah hərəkatından husilərin nəzarətində olan eyniadlı əyalətin Qırmızı dəniz sahilində, Yəmənin Hodeyda limanında hərbi hədəflərə zərbələr endirib.
KONKRET.az oxu24-ə istinadən xəbər verir ki, bu barədə İsrail Müdafiə Qüvvələrinin (IDF) mətbuat xidməti məlumat yayıb.
Qeyd olunur ki, hücuma məruz qalan obyektlər arasında liman infrastrukturunun bərpası üçün istifadə olunan mühəndis avadanlıqları, yanacaq konteynerləri, İsrailə qarşı istifadə olunan hərbi gəmilər, eləcə də limana bitişik Qırmızı dəniz sularında olan gəmilər olub.
İDFqeyd edir ki, Yəmən limanı başqa şeylərlə yanaşı, İran silahlarının ötürülməsi üçün istifadə edilib, daha sonra husilər İsrail və onun müttəfiqlərinə qarşı terror hücumları həyata keçirmək üçün istifadə ediblər.
İyulun 7-də İsrailin müdafiə naziri İsrael Katz Yəmənin Ənsar Allah (Husi) hərəkatına qarşı yeni hərbi əməliyyata başladığını elan edib.
“Qara Bayraq” əməliyyatında təxminən iki il əvvəl husilər tərəfindən ələ keçirilən və Qırmızı dənizdə terror fəaliyyətləri üçün istifadə edilən Hudeydə, Əs-Salif və Ras İsa limanlarına, Ras Katib elektrik stansiyasına və Qalaktika Lider gəmisinə ağır zərbələr endirilib.
