ABŞ prezidenti Donald Tramp Çinə səfər etmək üçün dəvət aldığını, lakin mümkün qədər tez Çin prezidenti Si Cinpinlə görüşmək istədiyi barədə yayılan xəbərləri təkzib edib.
Editor.az xəbər verir ki, bu barədə Tramp özünün “Truth Social” sosial media hesabında yazıb.
Ağ Ev rəhbəri yazıb: “Saxta media mənim Çin prezidenti Si Cinpinlə sammit keçirmək istədiyim barədə xəbərlər yayır. Bu, həqiqətə uyğun deyil, mən heç nə axtarmıram. Mən Çinə gedə bilərəm, ancaq dəvətlə gedə bilərəm ki, bu dəvət artıq uzadılıb”.
Qeyd edək ki, iyulun əvvəlində Tramp administrasiyasının biznes liderlərinin bu il Çinə mümkün səfərə marağını qiymətləndirmək üçün iri Amerika şirkətlərinin rəhbərləri ilə görüşlər keçirdiyi barədə məlumat yayılmışdı. Jurnalistlərin fikrincə, Trampın Çinə səfəri 2025-ci ilin oktyabrında, Asiya-Sakit Okean İqtisadi Əməkdaşlıq Təşkilatının (APEC) Malayziyada keçiriləcək sammiti çərçivəsində baş tuta bilər.
//Gülnarə Abasova, Editor.az
