İsrail Baş Naziri Binyamin Netanyahu, Təhlükəsizlik Kabinetinin Qəzzəni işğal planını təsdiqləməsindən sonra ilk dəfə açıqlama verib.
Manset.az xəbər verir ki, Netanyahu bildirib ki, İsrailin hücumlarını dayandırmasının yeganə şərti Hamasın silahlarını atmasıdır:
“Həmas silahlarını buraxarsa, müharibə sona çatacaq.”
Baş Nazir həmçinin Qəzzədə məqsədin şəhəri azad etmək olduğunu vurğulayıb: “Məqsədimiz Həmas deyil, dinc vətəndaş idarəsinin bərpasıdır.”
Netanyahu əlavə edib ki, planlaşdırılan yeni hücumlar Həmasın qalan iki qalasına yönəlib və İsrailin Həması məğlub etməkdən başqa seçimi yoxdur.
