Moskva və Tehran Şimal-Cənub beynəlxalq nəqliyyat dəhlizinin inkişafı üzərində ən fəal işləyirlər.
Banco.az xəbər verir ki, bunu Rusiyanın baş naziri Mixail Mişustin İranın birinci vitse-prezidenti Məhəmməd Rza Areflə görüşündə qeyd edib.
"Nəqliyyat logistikasının inkişafı baxımından biz Şimal-Cənub dəhlizinin inkişafı üçün birgə fəal işləyirik. Bu strateji magistral bütün Avrasiya regionunun əlaqəsini təmin edəcək”, - deyə nazir qeyd edib.
Beynəlxalq multimodal Şimal-Cənub nəqliyyat dəhlizinin yaradılmasına dair hökumətlərarası saziş 2000-ci ildə Rusiya, Hindistan və İran tərəfindən imzalanıb.
Sonradan iştirakçıların sayı 14-ə çatıb. Layihənin məqsədi Hindistan, İran və Fars körfəzi ölkələrindən Rusiya ərazisindən keçməklə Avropaya tranzit yük axınlarını cəlb etməkdir. Hazırda layihə ayrı-ayrı dövlətlərin bir neçə müxtəlif nəqliyyat sistemini birləşdirir.
