RU
Темы
Культура
15.08.2025 ◦ 18:51

Azərbaycan kriptovalyutaların istifadəsinə hazırdırmı?

"Azərbaycanda kriptovalyutalardan istifadə üçün hələ hər hansı qanuni baza yoxdur".

Bunu Demokrat.az-a açıqlamasında iqtisadçı ekspert Vüqar Oruc deyib.

Onun sözlərinə görə, mövcud qanunvericilik bu valyutaları qadağan etmir, lakin onların adı rəsmi olaraq maliyyə sistemində qeyd olunmayıb:

"Hazırda əhali kriptovalyutaları əsasən investisiya və ticarət məqsədi ilə, daha çox Gürcüstan kimi xarici birja platformaları vasitəsilə istifadə edir.Tarixi baxımdan valyuta inkişafı əmək mübadiləsi, pul və elektron ödənişlərdən keçərək kriptovalyutalara qədər uzanır. Lakin Azərbaycanda bu proses digər ölkələrdəki kimi sürətlə getmir, çünki dövlət öz monetar siyasətinə və pul-kredit münasibətlərinə nəzarəti əlindən verməməlidir".

Ekspert bildirib ki, kriptovalyutalar beynəlxalq ödəniş vasitəsi olmaqla, heç bir dövlət tərəfindən tam tənzimlənmir:

"Bu, ölkə iqtisadiyyatına xarici təsirlərin nüfuz etməsi riskini artırır. Ona görə Azərbaycan üçün ehtiyatlı yanaşmaq, bu valyutaları yalnız investisiya və ticarət vasitəsi kimi saxlamaq daha məqsədəuyğundur".

Ekspertin fikrincə, gələcəkdə Azərbaycan monetar və pul-kredit sistemi kriptovalyutaların istifadəsinə qanunla hazır olduqda, bu prosesə start vermək məqsədəuyğun olar:

"Hazırkı şəraitdə isə ölkə iqtisadiyyatının təhlükəsizliyi və xarici təsirlərin qarşısının alınması prioritet olaraq qalmalıdır".

Əfsanə Kamal
Demokrat.az
Избранный
40
7
demokrat.az

10Источники