Rusiya və Ukrayna güzəştə getməlidir, əks halda tərəflər sülh razılaşmasına nail ola bilməyəcəklər, ABŞ dövlət katibi Marko Rubio deyib.
NOCOMMENT.az bildirir ki, bu barədə The Hill yazır.
“Sülh razılaşmasının əldə olunması üçün bu, sadəcə faktdır, bizim xoşumuza gəlməyə bilər, bəyənməyə bilərik, lakin müharibənin bitməsi üçün hər iki tərəf danışıqlar masası arxasına oturmaq üçün güzəştə getməli olacaq. Reallıq budur. Bunu nə qədər tez dərk etsək, vəziyyət bir o qədər reallaşar”, – Amerika dövlət departamentinin rəhbəri qeyd edib.
Eyni zamanda, Rubio prezidentlər Vladimir Putin və Donald Tramp arasında Alyaskada aparılan danışıqları yüksək qiymətləndirdiyini bildirdi.
Bundan əvvəl ABŞ prezidentinin xüsusi nümayəndəsi Stiv Vitkoff Rusiyanın guya “Ukraynanın beş regionu ilə bağlı güzəştə getdiyi” barədə məlumat vermişdi. Lakin o, konkret hansı ərazilərdən danışdığını dəqiqləşdirməyib.
