Çin rəsmisi avqustun 18-də keçirdiyi brifinqdə bildirib ki, Pekin prezidentlər Vladimir Putin və Donald Trampın Alyaskada görüşündən sonra ABŞ ilə Rusiya arasında ikitərəfli əlaqələrin yaxşılaşdığını görməkdən məmnundur.
AZƏRTAC Sinxua agentliyinə istinadla xəbər verir ki, Çin Xarici İşlər Nazirliyinin sözçüsü Mao Nin jurnalistlərə bildirib ki, Pekin “Rusiya və ABŞ-ın əlaqələrini yaxşılaşdırmaq və Ukraynanın siyasi həllini təşviq etmək üçün davamlı əlaqəni görməkdən məmnundur”.
Mao Tramp və Putinin Alyaskadakı görüşü ilə bağlı sualları cavablandırarkən qeyd edib ki, iki ölkənin liderləri arasında son altı ildə ilk dəfə belə görüş olub.
XİN sözçüsü Ukrayna böhranı ilə bağlı bildirib ki, Pekin müharibənin siyasi həllini “dəstəkləyir”.
Donald Trampın bu gün Ağ Evdə Ukrayna Prezidenti Volodimir Zelenski və Avropa liderləri ilə planlaşdırılan görüşləri barədə sualı cavablandıran Mao deyib: “Biz bütün maraqlı tərəflərin hər kəs üçün məqbul olan qalıcı razılaşma əldə etmək naminə sülh danışıqlarında iştirak edəcəyini gözləyirik”.
Çinin Ukrayna üçün gözlənilən təhlükəsizlik qarantı kimi təqdim edilməsinə münasibət bildirən Mao əlavə edib: “Ukrayna ilə bağlı mövqeyimiz ardıcıl və aydındır. Biz Ukrayna böhranında siyasi təhlükəsizliyi təşviq etməyə davam edəcəyik”.
Çin XİN-in sözçüsü ABŞ-ın Braziliya rəsmilərinə qarşı sanksiyaları barədə suala cavab olaraq bildirib ki, Pekin “birtərəfli və qeyri-qanuni sanksiyalara qarşıdır”.
