Çempionlar Liqasının pley-off mərhələsində səfərdə “Ferentsvaroş”u 3:1 hesabı ilə məğlub edən “Qarabağ” Bakıya qayıdıb. Msport.az xəbər verir ki, Ağdam klubunun baş məşqçisi Qurban Qurbanov və hücumçu Musa Qurbanlı Hava Limanında jurnalistlərin suallarını cavablandırıb.
Qurbanov cavab matçında arxayın olmamağın vacibliyini bildirib: ” Rəqibin tam gücü bu deyildi. Üstünlük bir az bizim tərəfimizdədir, qətiyyən belə fikir yoxdur ki, 3:1 hesabı ilə qalib gəlmişik və Bakıda bizim üçün çox rahat olacaq . Əksinə, biz rəqibi, onlar da bizi yaxşı tanıdılar. Ola da bilər ki, Bakıda çox böyük sürprizlər etsinlər”.
Qeyd edək ki, cavab qarşılaşması avqustun 27-də Bakıda keçiriləcək.
