İqlim dəyişikliyi nəticəsində Londonda və Avropanın digər böyük şəhərlərində tropik mənşəli təhlükəli virusun yayılma riski artır.
Publika.az xəbər verir ki, Asiya pələngi ağcaqanadı vasitəsilə yayılan “denge” qızdırması şimal istiqamətində yayılır.
Yeni araşdırmaların nəticələrinə əsasən, Fransada bu ağcaqanadların yayılma sürəti son illərdə xeyli artıb. 2006-cı ildə cəmi 6 kilometr irəliləyən bu növ ağcaqanadlar 2024-cü ildə artıq 20 kilometr məsafə qət edir.
