BAKI, 20 avqust. TELEQRAF
Fələstinin radikal HƏMAS hərəkatı vasitəçiləri İsrailin Qəzzanı ələ keçirmək üçün hərbi əməliyyata başlaması fonunda bu ölkəyə maksimum təzyiq göstərməyə çağırıb.
Teleqraf xəbər verir ki, bu barədə bəyanat hərəkatın "Telegram" kanalında dərc edilib.
"İsraili Fələstin xalqına qarşı məhvetmə müharibəsini dayandırmağa məcbur etmək üçün vasitəçiləri bu ölkəyə maksimum təzyiq göstərməyə çağırırıq", - bəyanatda deyilir.
HƏMAS bəyan edib ki, İsrail Qəzzanı ələ keçirmək üçün əməliyyata başlamaqla atəşkəs danışıqları çərçivəsində vasitəçilər tərəfindən göstərilən səylərə etinasızlıq göstərir.
