İstirahət üçün rayonlara üz tutanların bəziləri təhlükəli ərazilərdə çadır qururlar. Bu isə həmin şəxslərin və onların yaxınlarının yırtıcı heyvanların hücumuna məruz qalması riskini yaradır.
Publika.az Xəzər TV-yə istinadən bildirir ki, kempinq bələdçisi Nahid Həsənli deyir ki, xüsusilə heyvanların hücumuna məruz qalmamaq üçün ən önəmli məsələ düzgün yerlərin seçilməsidir.
Təhlükəsizlik üzrə ekspert Elman Mirzəliyev də bu məsələdə diqqətli olmağın vacib olduğunu bildirir. Onun sözlərinə görə, xüsusilə yırtıcı heyvanların yaşadığı ərazilərdə çadır qurmaq həm böyüklər, həm də uşaqlar üçün təhlükəlidir. Təhlükə bununla da yekunlaşmır.
Məsələ ilə bağlı Ekologiya və Təbii Sərvətlər Nazirliyi ilə də əlaqə saxladıq. Qurumdan bildirildi ki, nazirlik yalnız Milli Parkların ərazilərində bu kimi məsələlərə nəzarəti həyata keçirir.
