Dortmund “Borussiya”sı “Çelsi” ilə Karni Çukvuemeka və Aaron Anselmino transferləri üçün tam razılıq əldə edib.
90deqiqe.Az-ın məlumatına görə, Çukvuemeka alman klubuna daimi əsasda transfer olunacaq. Anselmino isə satınalma hüququ olmadan icarəyə götürüləcək.
Xatırladaq ki, Çukvuemeka ötən mövsümün ikinci yarısını icarə əsasında məhz “Borussiya”da keçirib. İngiltərəli yarımmüdafiəçi həmin müddətdə bütün turnirlərdə 17 matça çıxıb və 1 qol vurub. Gənc müdafiəçi Anselmino isə mövsümün ilk yarısında “Boka Xuniors”un heyətində icarə əsasında çıxış edib.
