Əvvəlcə atəşkəsə nail olunması, daha sonra sülh sazişinin imzalanması ideyası əvvəlcə ABŞ-a məxsus olub və o, bu yanaşmanı məntiqli hesab edir.
APA Ukrayna mediasına istinadən xəbər verir ki, bunu Norveçin Baş naziri Yonas Gar Stere Ukrayna Prezidenti Volodimir Zelenski ilə keçirdiyi mətbuat konfransında bildirib.
Onun sözlərinə görə, uzunmüddətli sülhə nail olmaq istənilirsə, ilk növbədə qətlləri dayandırmaq lazımdır, "buna görə də atəşkəs ciddi danışıqlar üçün normal və zəruri ilkin şərtdir".
