İlon Maskın şirkətləri “Apple Inc” və “OpenAI” şirkətlərini sövdələşmədə və haqsız rəqabətdə ittiham edərək məhkəməyə verib.
Yeniavaz.com xəbər verir ki, iddia “Grok” çatbotının tərtibatçısı olan “xAI” və sosial şəbəkə “X” tərəfindən Texasın Şimal Bölgəsi üzrə ABŞ Dairə Məhkəməsində qaldırılıb.
İddiada deyilir ki, “Apple”ın “OpenAI”nin “ChatGPT” tətbiqini “iPhone” əməliyyat sisteminə inteqrasiya etmək qərarı rəqabəti zəiflədir və istehlakçıları seçim hüququndan məhrum edir.
Sənəddə qeyd olunur ki, “Apple” və “OpenAI” smartfonlar və generativ süni intellekt bazarlarında inhisar mövqelərini saxlamaq üçün razılığa gəliblər.
