Bakı, 29 avqust, AZƏRTAC
Türkiyənin "Beşiktaş" komandasının yeni baş məşqçisi bəlli olub.
AZƏRTAC "TRT Spor"a istinadən xəbər verir ki, İstanbul klubu Sərgən Yalçınla anlaşıb. Təcrübəli mütəxəssis bu vəzifədə ötən gün istefaya göndərilən Ule-Qunnar Sulşeri əvəzləyəcək. Onunla 2 illik müqavilə imzalanacaq.
Qeyd edək ki, Sərgən Yalçın daha əvvəl 2020-2021-ci illər mövsümündə "Beşiktaş"ın baş məşqçisi olub, komandaya Türkiyə çempionluğunu və ölkə kubokunu qazandırıb.
