İndoneziya Prezidenti Prabovo Subianto ölkədəki iğtişaşlar səbəbindən Çinə planlaşdırılan səfərini ləğv edib.
"Ölkə.az" xəbər verir ki, o bu barədə İndoneziyanın dövlət katibi Prasetyo Hadi xüsusi videomüraciətində bildirib.
"Bu daxili dinamika ilə bağlıdır. Prezident Prabovo Subianto Çin Xalq Respublikasının hökumətinə dərin hörmət və üzrxahlıqla tədbirdə iştirak etməmək qərarına gəlib", - deyə İndoneziyanın dövlət katibi bəyan edib.
Qərar, optimal həll yollarının axtarışında vəziyyəti birbaşa izləməyə və birbaşa idarə etməyə davam etmək istəyi ilə bağlıdır.
Cakartada minlərlə etiraz aksiyası davam edir. Nümayişçilər bir həftədir ki, iş şəraitinin yaxşılaşdırılması və maaşların artırılması, həmçinin parlamentin buraxılmasını tələb edirlər. Aksiyalar zamanı 21 yaşlı motosiklet taksi sürücüsünü polis maşını vurub, bundan sonra etirazçıların qəzəbi hüquq-mühafizə orqanlarına keçib.(publika.az)
