Təşkilat fövqəladə hallar zamanı koordinasiyanı gücləndirmək məqsədilə addım atır...
Poliqon xəbər verir ki, Kollektiv Təhlükəsizlik Müqaviləsi Təşkilatı (KTMT) Mərkəzi Asiyada fövqəladə hallara reaksiya vermək və koordinasiyanı təmin etmək üçün humanitar mərkəz yaradacaq. Bu barədə təşkilatın katibliyinin müavini Valeri Semerikov məlumat verib.
Qeyd olunur ki, qərar KTMT-yə üzv ölkələrin dövlət başçıları tərəfindən qəbul edilib. Məsələ bundan əvvəl Çolpon-Atada keçirilən Fövqəladə Hallara Koordinasiya Şurasının iclasında müzakirə olunub.
Humanitar mərkəzin yaradılması regionda fövqəladə vəziyyətlərə çevik cavab vermək, resursları səmərəli bölüşdürmək və üzv ölkələr arasında təcrübə mübadiləsini asanlaşdırmaq məqsədini daşıyır. KTMT-nin bu təşəbbüsü həmçinin regional təhlükəsizlik və sabitliyin gücləndirilməsinə xidmət edəcək.
Poliqon.info
