Nepal Prezidenti Ram Çandra Paudelin istefa verdiyi barədə yayılan xəbərlər təsdiqlənməyib.
Musavat.com xəbər verir ki, məlumatı "India Today" qəzeti yayıb.
Prezidentin administrasiyasının açıqlamasına əsasən, dövlət başçısı vəzifəsinin icrasını davam etdirir.
Qeyd edək ki, Nepalda sosial şəbəkələr və bir sıra internet platformalarının – YouTube, X, LinkedIn, Reddit, WhatsApp, Facebook və Instagramın – bloklanmasından sonra başlanmış kütləvi etirazların fonunda vəziyyət gərginləşib. Artan gərginlik nəticəsində Nepal Prezidenti Ram Çandra Paudel istefa qərarı verdiyi bildirilirdi.
