Nepal prezidenti Ram Çandra Paudel çərşənbə axşamı ölkədəki davamlı anti-hökumət etirazları fonunda istefa verdiyini açıqlayıb. Bir qədər əvvəl baş nazir Xadqa Prasad Şarma Oli də postunu tərk etmişdi.Nepalın Khabarhub portalı yazır ki, hərbi qüvvələr hər iki lideri təhlükəsizlik məqsədilə ölkənin digər bölgələrinə təxliyə edib.Etirazların səbəbi və gedişiKeçən həftə hakimiyyət bəzi iri sosial şəbəkələrin fəaliyyətini qadağan etmişdi. Qadağa sosial şəbəkələrin Rabitə və İnformasiya Texnologiyaları Nazirliyində qeydiyyatdan keçməməsi ilə izah olunurdu. Tələbin tərəfdarları bunu “nizamlanma addımı” adlandırsalar da, əleyhdarları hökuməti senzura və tənqidçilərlə mübarizədə ittiham etdilər.Bu qərar ölkədə, xüsusilə də “Z nəsli” arasında kütləvi etirazlara səbəb oldu. Hakimiyyət sonradan sosial şəbəkə qadağasını ləğv etsə də, nümayişlər daha da böyüdü.Qurbanlar və zorakılıq hallarıSon məlumatlara görə, iğtişaşlar zamanı ölənlərin sayı 22 nəfərə çatıb. Onlardan ikisi polis əməkdaşlarına hücum zamanı cavab atəşi nəticəsində həlak olub.Etirazçılar Katmanduda parlament binasını və baş nazir Oli-nin iqamətgahını yandırıblar. Bundan başqa, nümayişçilər onun evinə və digər yüksək vəzifəli məmurların evlərinə hücum ediblər.Paytaxtda xaos və təxliyələrMediada yayılan xəbərlərə görə, hökumət rəsmiləri paytaxtı helikopterlərlə tərk etməyə çalışır. Lakin etirazçılar buna mane olmaq üçün Katmandu hava limanı yaxınlığında fayerlər yandırır, sosial şəbəkələrdə isə dron və lazer işarələyicilərindən istifadə etməyə çağırışlar edilir.Hazırda Katmandu hava limanı bağlanıb.Ulusum.az
Diqqət Çəkənlər
İsrail Qətərdə HƏMAS rəhbərliyinə zərbə endirdi
Qətərdəki zərbə – ABŞ əvvəlcədən xəbərdar idi
Uşaqda hərarət qalxdı — nə zaman dərman vermək lazımdır?
