Türkiyənin aparıcı yayım şirkəti dövlət tərəfindən müsadirə edilib
Ajans.az xəbər verir ki,rəsmi Anadolu Agentliyi və digər yerli media orqanlarının məlumatına görə, Show TV yayımçısı da daxil olmaqla holdinqə məxsus bir neçə qurum dövlət nəzarətinə verilib. Can Holdinq enerji, təhsil, səhiyyə, mehmanxana, tikinti və logistika kimi müxtəlif sahələrdə fəaliyyət göstərən çoxsaylı şirkətləri əhatə edir. İstanbulun Küçükçekmece Baş Prokurorluğundan verilən açıqlamada bildirilir ki, holdinqə daxil olan şirkətlər vasitəsilə böyük miqdarda mənşəyi məlum olmayan vəsaitlərin sistemə daxil edildiyi aşkarlanıb. Bu pullar şirkətlər arasında ötürülərək mənşə gizlədilib, həmçinin vergi öhdəliklərindən yayınmaq məqsədilə saxta sənədlərdən istifadə edilib. Prokurorluq, “Can Holdinqin bəzi kommersiya fəaliyyətlərinin birbaşa cinayət yolu ilə əldə edilmiş gəlirlər hesabına maliyyələşdirildiyini” də bildirib. Qrupun rəhbər heyətinə daxil olan şəxslər də daxil olmaqla, ümumilikdə 10 nəfər barəsində həbs qərarı çıxarılıb. Qeyd edək ki, Habertürk və bir çox digər böyük media qurumları Türkiyədə hökumətyönlü mövqeləri ilə tanınır və Prezident Rəcəb Tayyib Ərdoğanın siyasətinə dəstək verir. Buna baxmayaraq, yayım kanalı istintaqa baxmayaraq cümə axşamı səhəri normal fəaliyyətini davam etdirib. Sərhədsiz Reportyorlar Təşkilatının 2024-cü il üçün açıqladığı mətbuat azadlığı indeksində Türkiyə 180 ölkə arasında 158-ci pillədə qərarlaşıb. Təşkilatın məlumatına görə, ölkədəki media qurumlarının təxminən 90 faizi hökumətin nəzarəti və ya təsiri altındadır.
