1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Ukrayna millisinin və İspaniyanın "Barselona" komandasının sabiq futbolçusu Dmitri Çıqrinski karyerasını bitirmək qərarına gəlib.
Oxu.Az xəbər verir ki, bu barədə 38 yaşlı oyunçunun agenti Aleksandr Pankov məlumat yayıb.
Keçmiş müdafiəçi 2024-cü ilin yayından klubsuzdur. O bundan sonra Yunanıstanın "Aris" komandasının baş məşqçisi Manolo Ximenezin köməkçisi olacaq.
Dmitri Çıqrinski 2009-2010-cu illərdə "Barselona"nın heyətindəki çıxışı ilə tanınıb. Karyerasının böyük hissəsini "Şaxtyor Donetsk" və AEK-də keçirən futbolçu Ukrayna yığmasında 29 matçda meydana çıxıb.
