Polşa Belarusla sərhəddə o vaxta qədər fəaliyyət göstərən bütün sərhəd keçid məntəqələrini bağlayıb.
APA xəbər verir ki, bu barədə daxili işlər naziri Marçin Kervinski məlumat verib.
"Gecə yarısı Belarusla sərhəddə nəqliyyatı bağladıq. Bu, "Zapad-2025" təlimləri ilə əlaqədardır. Nəqliyyatın hərəkəti bərpa olunacaq, lakin yalnız polyakların təhlükəsizliyinin təmin olunduğuna əmin olduqdan sonra. İqtisadi nöqteyi-nəzərdən sərhəddə hərəkətin mümkün qədər tez bərpa olunmasını təmin etməyə çalışacağıq", - nazir mətbuat konfransında deyib.
