Qaynarinfo saytına istinadən ain.az xəbər verir.
Yeni araşdırma göstərib ki, hətta ən cəlbedici kişilər belə, digər istifadəçilər tərəfindən "orta göstəricidən aşağı” qiymətləndirilmiş qadınlardan daha az bəyənmə alır.
Qaynarinfo xəbər verir ki, 2025-ci ildə "PLOS One” jurnalında dərc olunan tədqiqat Münhen Lüdviq-Maksimilian Universitetindən Renata Topinkova və Mançester Universitetindən Tomaş Diviak tərəfindən aparılıb. Onlar Çexiyaya məxsus bir tanışlıq tətbiqinin təxminən 3000 heteroseksual istifadəçisinin məlumatlarını təhlil ediblər.
Məlum olub ki:
* Kişilər əsasən özlərindən daha cazibədar hesab etdikləri qadınlara "like” göndərirlər.
* Qadınlar isə daha ehtiyatlı davranaraq seçimlərini daha məhdud çərçivədə edirlər.
Nəticədə az sayda qadın çoxlu sayda bəyənmə toplayır, bir çox istifadəçi isə demək olar ki, diqqət görmür.
Amerikalı psixoloq Mark Trevers "Forbes” üçün yazdığı şərhdə vurğulayıb:
"Ən cazibədar kişilər belə, qadınlardan daha az bəyənmə alır. Bunun səbəbi həm platformalarda kişilərin sayca çox olması, həm də mədəni gözləntilərlə bağlıdır – ilk addımı daha çox kişilərdən gözləyirlər"
Treversin sözlərinə görə, bu səbəbdən tələbat və təklif arasında balanssızlıq yaranır: çoxlu kişi nisbətən az sayda qadın uğrunda rəqabət aparır. Məsələn, "Tinder” kimi platformalarda aktiv istifadəçilərin əksəriyyəti kişilərdir, bu da qadınlara daha geniş seçim və üstünlük verir.
Araşdırma göstərib ki, qadınlar daha çox özlərinə yaxın və ya bir qədər aşağı səviyyədə cəlbedici hesab etdikləri kişilərlə ünsiyyət qururlar. Bu isə onlara daha seçici davranmağa, yalnız xarici görünüşü deyil, dəyərləri, uyğunluğu, ortaq maraqları və diqqəti nəzərə almağa imkan verir.
Psixoloq əlavə edib ki, kişilər nə qədər çox "öz liqalarından kənar” qadınlara müraciət etsələr də, real münasibətlər yalnız qarşılıqlı maraq və cazibə balansı əsasında formalaşır.
Aydın
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
