Avstraliya, 2022-ci ildə şərq sahillərindəki koalaları nəsli kəsilmək təhlükəsi altında olan heyvanlar siyahısına salıb.
Manset.az-ın xarici mediaya istinadən əldə etdiyi məlumata görə, Koalaların ölümünün əsas səbəblərindən biri xlamidiya xəstəliyidir. Bu infeksiya sidik yolları problemlərinə, sonsuzluğa və ölümə səbəb olur.
Avstraliyanın Sunshine Coast Universitetinin alimləri 10 il davam edən araşdırmaların nəticəsində koalalar üçün effektiv bir peyvənd hazırlayıb. Keçən il keçirilən geniş çöl araşdırmalarında, bu peyvəndin xəstəliklə bağlı ölümləri 65 faiz azaltdığı təsdiqlənib.
Koalaların nəsli, son illərdəki meşə qırılmaları, yanğınlar və xlamidiya epidemiyasından ciddi şəkildə azalıb, hazırda Avstraliyada təxminən 50.000 koala qalıb. Yeni peyvənd sayəsində koalaların gələcəyinə ümidlər artıb.
