Gündəlik istifadə etdiyimiz qidaların keyfiyyətini qorumaq və sağlamlıq üçün faydalı qalmasını təmin etmək üçün düzgün saxlanması vacibdir.
Far.Az xəbər verir ki, mütəxəssislər xüsusilə bal, yağ, pendir və digər qidalar üçün aşağıdakı tövsiyələri verir:
Bal: Quru və qaranlıq yerdə, hava keçirməyən qapaqlı qabda saxlanmalıdır. Soyuducuya qoymaq tövsiyə olunmur, çünki soyuq balın kristallaşmasına səbəb ola bilər.
Bitki və ya kərə yağları sərin, qaranlıq yerdə və qapağı möhkəm bağlanmış halda saxlanmalıdır. İstilik və işıq yağın keyfiyyətini azaldır.
Yaş pendirlər soyuducuda, rütubətli və hava keçirməyən qabda saxlanmalıdır. Quru pendirlər isə sərin və quru yerdə daha uzun müddət qala bilir.
Quru paxlalılar, düyü, un və quru meyvələr qapalı və quru yerdə saxlanmalıdır. Turşu və fermentləşdirilmiş məhsullar isə soyuducuda optimal şəraitdə qalmalıdır.
Mütəxəssislər bildirir ki, qidaların düzgün saxlanması həm onların dad və keyfiyyətini qoruyur, həm də sağlamlıq üçün təhlükəsiz olur.
