"Bavariya" doğma stadionu olan "Arena Münhen"in qarşısında Münhen klubunun və Almaniya millisinin əfsanəvi müdafiəçisi Frans Bekkenbauerə abidə qoyub.
İdman.biz bildirir ki, "qırmızılar"ın prezidenti Herbert Hayner yeni abidənin əhəmiyyətindən danışıb.
"Bu abidə "Bavariya"nın tuncdan tökülmüş DNT-nin bir hissəsidir. O, Bekkenbaueri və onun təcəssüm etdirdiyi hər şeyi simvollaşdırır: üslub, xarakter, Bavariya. Münhen burada sadəcə bir abidə deyil, şəhərin özünün əksini qazanır: qürurlu, özünə güvənən, zərif və təvazökar".
Bekkenbauer milli komandanın tərkibində Dünya və Avropa Çempionatının qalibi olub. "Bavariya"da müdafiəçi üç Avropa Çempionlar Kuboku da daxil olmaqla 13 kubok qazanıb.
İdman.biz
