1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Gürcüstan Prokurorluğu bir neçə gün öncə saxlanılan keçmiş müdafiə naziri Cuanşer Burçuladzeni vəzifə səlahiyyətlərindən sui-istifadədə və qanunsuz gəlirlərin leqallaşdırılmasında ittiham edib.
Oxu.Az 1TV.ge-yə istinadən xəbər verir ki, istintaq orqanının məlumatına görə, bu ittihamlar üzrə nəzərdə tutulan cəzanın növü 12 ilədək müddətə azadlıqdan məhrumetmədir.
Dövlət Təhlükəsizliyi Xidmətinin Korrupsiyaya Qarşı Mübarizə Agentliyinin apardığı araşdırmalar nəticəsində müəyyən edilib ki, 2023-cü ildə Gürcüstanın o vaxtkı müdafiə naziri vəzifə səlahiyyətlərindən sui-istifadə edərək özünə və yaxınlarına fayda əldə edib. O, xüsusilə külli miqdarda qanunsuz və əsassız əmlakı gizlədib və leqallaşdırıb.
