Tərəflər ticarət məsələlərində hələ də yekdil fikrə gələ bilmədiklərinə görə Ağ Ev ABŞ Prezidenti Donald Trampın Çin Sədri Si Cinpinlə zirvə görüşü üçün Pekinə gəlməsi dəvətinə hələ cavab verməyib.
Moderator.az bu barədə "Financial Times" nəşrinə istinadla xəbər verir.
Sentyabrın 14-də Madriddə ölkələr arasında ticarət danışıqlarının dördüncü raundu keçiriləcək, bundan sonra Trampın Çinə səfəri gözlənilirdi.
İki lider arasında mümkün görüş barədə məlumatlar ABŞ-nin dövlət katibi Marko Rubio və Pentaqon rəhbəri Pit Heqsetin son günlər çinli həmkarları ilə danışmasından sonra yayılmağa başlayıb.
Bununla belə, nəşr mənbələrə istinadən yazır ki, danışıqlarda kifayət qədər irəliləyiş olmadığı üçün sammit sual altındadır.
Mənbələr bildirirlər ki, Tramp və Si oktyabrın 31-də Cənubi Koreyada keçiriləcək Asiya-Sakit Okean İqtisadi Əməkdaşlıq Forumu çərçivəsində "daha az rezonanslı" görüş keçirə bilərlər.
