Müəllif: Tamara Mustafayeva, Banco.az
İki milyarddan çox istifadəçisi olan “TikTok” artıq yalnız brendlər üçün platforma deyil; bu, yaxınlıq və mədəni əlaqə üzərində qurulmuş marketinq platformasıdır.
Banco.azxəbər verir ki, bu gün artıq markaların “TikTok”a yanaşması köklü şəkildə dəyişib. Əvvəllər media planlarında sonradan əlavə olunan bir kanal kimi görülən platforma indi xüsusi məzmunların hazırlandığı, məzmun istehsalçılarının istiqamət verdiyi və markaların ritminə uyğunlaşdığı bir məkan kimi baxılır.
Trend izləmək kifayət deyil
Qısaömürlü trendlər “TikTok”un dinamik quruluşunun bir hissəsi olsa da, yalnız onlara diqqət yetirmək markaları səthi bir nöqtəyə aparır. Mütəxəssislərə görə, platformada uğur uzunmüddətli strategiya, orijinallıq və mədəniyyətə töhfə verməklə mümkündür. İstifadəçilər insan kimi davranan, səmimi və icmalara dəyər qatan markaları daha çox mükafatlandırır.
“TikTok”un gücü yalnız izlənmə saylarında deyil; onun icma əsaslı quruluşunda gizlidir. Ənənəvi demoqrafik hədəfləmələr yerini ümumi maraqlara və alt-mədəniyyətlərə yönəlmiş ünsiyyətə verir. Beləliklə, markalar həm mövcud auditoriyalarına çata, həm də gözlənilməz yeni icmalarla əlaqə qura bilirlər.
Kanadada yerləşən “BMO” bankı üçün hazırlanan “Hesablar Vaxtında Ödəndi” kampaniyası platforma mədəniyyətinə uyğun strategiyaların təsirini göstərdi. “TikTok”un məşhur musiqi yaradıcılarından bbno$ ilə əməkdaşlıq maliyyə vərdişlərini gənclərə əyləncəli bir dillə çatdırdı. Kampaniya bankçılıq kimi ciddi bir sahəni istifadəçilərin təbii şəkildə qəbul etdiyi bir təcrübəyə çevirərək müsbət reaksiyalar aldı.
Televiziya və açıq hava reklamları hələ də markalar üçün məlumatlılıq yaratmağa xidmət etsə də, “TikTok” fərqli bir üstünlük təqdim edir: iştirakçılıq. İstifadəçilər sadəcə izləyici deyil; məzmunlara birbaşa qoşulan, paylaşan və markalarla qarşılıqlı əlaqəyə girən aktyorlara çevrilirlər.
Markalar üçün “TikTok”dakı ən böyük imkan isə səmimiyyətdir. Platforma mədəniyyətinə uyğunlaşan, sınaqdan çəkinməyən və istifadəçilərlə eyni dildə danışan markalar yalnız görünür olmaqla kifayətlənmir; mədəniyyətin bir parçasına çevrilərək qalıcı təsir yarada bilirlər.
Bizi sosial şəbəkələrdən izləyin!!
