2026-cı il dövlət büdcəsində təhsil üzrə xərclərə 4 milyard 985.8 milyon manat ayrılması proqnozlaşdırılır.
“Qafqazinfo” xəbər verir ki, bu, Maliyyə Nazirliyinin 2026-cı ilin icmal və dövlət büdcələrinin ilkin göstəricilərinə dair açıqlamasında yer alıb.
Bildirilir ki, təhsil üzrə xərclərin büdcədə xüsusi çəkisi 12 faiz olacaq.
Bu, 2025-ci ilin təsdiq olunmuş proqnozu ilə müqayisədə 1 % çoxdur. 2025-ci ildə büdcədə təhsil üzrə 4 937 283 246,0 manat xərc nəzərdə tutulub.
