Belarus-Rusiya “Zapad-2025” təlimləri kimisə hədələmək məqsədi daşımır.
Ucnoqta.az xəbər verir ki, bunu Belarus Prezidenti Aleksandr Lukaşenko Milli Birlik Günü ərəfəsində dövlət mükafatlarının təqdimetmə mərasimində deyib.
"Bu gün Belarus ərazisində keçirilən təlimlər planlaşdırılır. Belarus-Rusiya təlimləri. Biz isə orada hər şeyi məşq edirik. Onlar da bunu bilirlər, biz bunu gizlətmirik. Adi atıcı silahlardan tutmuş nüvə başlıqlarına qədər atəş açmaq. Yenə deyirəm, bütün bunları bacarmalıyıq. Yoxsa niyə Belarus ərazisindədirlər. Amma heç bir halda biz bununla heç kimi təhdid etməyəcəyik”, - deyə BelTA agentliyi dövlət başçısından sitat gətirir.
Bununla bağlı prezident Belarus hərbçilərinə müraciət edib:
"Həmişə ayıq-sayıq olun. Bu gün nə yaxşı ki, ruslar çox şey edə bilər. Təəssüf ki, müharibə səbəbindən. Onlar da öz bacarıqlarını, təlimlərini bizə pulsuz ötürməyə hazırdırlar. Öyrənməliyik. Yaşamaq istəyiriksə, hər şeyi bacarmalıyıq. Mən bunu bir hərbçi kimi hərbçilərə müraciət edirəm".
