Rusiya tədricən “dost olmayan ölkələr” ifadəsindən imtina edir.
Publika.az xəbər verir ki, bunu çərşənbə axşamı Rusiyanın xarici işlər naziri Sergey Lavrov "İntervision" beynəlxalq musiqi müsabiqəsinə hazırlıqla bağlı mətbuat konfransı zamanı deyib.
"Biz yavaş-yavaş “qeyri-dost ölkələr” terminindən uzaqlaşırıq. Baxmayaraq ki, qanunvericilikdə qalır. Amma prezident bu yaxınlarda Vladivostokda keçirilən tədbirlərin birində çıxış edərkən vurğuladı ki, bizdə dost olmayan ölkələr yoxdur, elə ölkələr var ki, Rusiya Federasiyasına münasibətdə qeyri-dost hökumətləri var", - Lavrov bildirib.
