Almaniya rəhbərliyi Polşa prezidenti Karol Navroçkinin II Dünya Müharibəsindən sonra dəymiş ziyana görə kompensasiya ödəməsi tələbini rədd edib.
Publika.az xəbər verir ki, bu barədə Almaniya Prezidenti Frank-Valter Ştaynmayerin mətbuat katibi Kerstin Qammelin "X" sosial şəbəkəsində məlumat verib.
Onun sözlərinə görə, Ştaynmayer və Navroçki sıx və etimad əsasında ikitərəfli əməkdaşlığın əhəmiyyəti barədə fikir mübadiləsi aparıblar. Polşa prezidentinin təzminat tələbinə cavab olaraq Ştaynmayer qeyd edib ki, Berlinin nöqteyi-nəzərindən bu məsələ nəhayət hüquqi yolla həll olunub.
Sonra Navroçki Federal Kansler Fridrix Merts ilə görüş keçirib.
Hökumətdəki mənbələr bildirirlər ki, Merts Polşa rəhbəri ilə söhbətində Almaniyanın təzminat məsələsində sarsılmaz mövqeyini vurğulayıb.
