Kopenhagen Danimarka Universitetinin danimarkalı tədqiqatçıları Misir və Latın Amerikasındakılardan daha qədim mumiyalanmış dəfnlər aşkar ediblər.
Editor.az xəbər verir ki, bu barədə PNAS-da dərc olunan məqalədə bildirilir.
Elmi məqalənin müəllifləri yazır: “Bu dəfnlərin ən qədimi (Cənubi Çin və Cənub-Şərqi Asiyada) Çinçorro mədəniyyətinin (Şimali Çili) və Qədim Misirin (Köhnə Krallığın) mumiyalanmasından əvvəldir. Cənub-Şərqi Asiyada tapılan dəfn nümunələri 1000-ci ildən çox davam edən mədəni inanclar və dəfn üsulları toplusunu aşkar edir”.
54 dəfnə baxış zamanı insan qalıqlarının tüstüyə və aşağı temperatura məruz qalmasının oxşar əlamətləri aşkar edilib. Bundan əlavə, qeyd olunduğu kimi, dəfn yerləri kifayət qədər özünəməxsus formalarla, məsələn, güclü əyilmiş və ya bağlanmış əzalarla xarakterizə olunur.
Danimarka alimləri yazır: “Şimali Vyetnam, Saravak, Cənubi Yava və Şimali Palavanda (Filippin) arxeoloji ərazilərdə əyilmiş, təhrif olunmuş və bəzən qismən yanmış qəbirlərin oxşar nümunələri tapılıb”.
Tədqiqat müəlliflərinin fikrincə, bu cür ritual təcrübələr dirilər dünyası ilə ölülər dünyası arasında əlaqənin qorunmasında müqəddəs əhəmiyyət kəsb edirdi.
//Gülnarə Abasova, Editor.az
