ain.az, Bizimyol portalına istinadən məlumatı açıqlayır.
Gürcüstan beynəlxalq platformalardan “Rusiya işğalı” və “işğal olunmuş ərazilər”lə bağlı təbliğat şüarlarını təbliğ etməkdə davam edir.
Bizimyol.info xəbər verir ki, bu barədə Rusiya mətbuatına müsahibəsində tanınmamış "Cənubi Osetiya Respublikası"nın rəhbəri Alan Qaqloyev bildirib.
“Gürcüstan hakimiyyəti Cənubi Qafqazda sabitliyi və təhlükəsizliyi həqiqətən gücləndirə biləcək problemləri həll etmək əvəzinə, beynəlxalq platformalardan “Rusiya işğalı” və “işğal olunmuş ərazilər” haqqında təbliğat şüarlarını yaymaqda davam edir”, - deyə o qeyd edib.
Qaqloyev vurğulayıb ki, Gürcüstanda Mixail Saakaşvili dövründə qəbul edilmiş işğal olunmuş ərazilər haqqında qanun hələ də qüvvədədir. Onun sözlərinə görə, bu qanun “Gürcüstan tərəfindən Cənubi Osetiya və Abxaziyaya qarşı blokada rejimi” müəyyən edir.
“Maraqlıdır ki, hazırda Saakaşvilinin özü mühakimə olunur və onun siyasi irsi Gürcüstanda tənqid olunur, lakin qanun qüvvədə qalır və Tbilisinin bizə münasibətini müəyyən edir. Bu, bir daha sübut edir ki, sülhə sadiqlik bəyannaməsi və hətta gürcü siyasətçilərinin keçmiş təcavüzə görə üzr istəməyə hazır olduqları barədə gurultulu bəyanatları real fəaliyyətlə dəstəklənmir”, - deyə Qaqloyev qeyd edib.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
