ABŞ ilk dəfə olaraq yaşıl kart lotereyasının iştirakçıları üçün qeydiyyat rüsumunu tətbiq edib.
Qaziler.az xəbər verir ki, bu barədə “Boundless” məlumat dərc edib.
16 oktyabr 2025-ci il tarixindən etibarən “Diversity Visa” (DV) lotereyasında ("Green Card" lotereyası kimi də tanınır) iştirak etmək niyyətində olan bütün şəxslər elektron qaydada bir dollarlıq qeydiyyat rüsumunu ödəməlidirlər.
Yaşıl kart ABŞ-də daimi yaşamaq və işləmək hüququnu təsdiq edən sənəddir. Siyasi vəziyyətə baxmayaraq, hər il milyonlarla insan müraciət edir.
ABŞ Dövlət Departamenti hər il 50.000 yaşıl kart çəkir. Tiraj təsadüfi keçirilir, lakin qalib olduqdan sonra Yaşıl kart sahibləri DS-260 immiqrasiya formasını doldurmalı, müsahibə və tibbi müayinədən keçməlidirlər.
QAZİLER.AZ
