Almaniyanın Münhen şəhərində yerləşən Münhen Texniki Universitetinin (TUM) alimləri nəhəng dördbarmaqlı robot qolu vasitəsilə okeanın dibindən zibil toplamaq qabiliyyətinə malik sualtı robotu nümayiş etdiriblər.
QHT.az xəbər verir ki, robot süni intellekt sistemi, kamera və sonarla təchiz olunub - bütün bunlar hətta bulanıq suda da zibilləri aşkar etmək üçün. Sınaqlar Marsel limanında aparılıb: robot 250 kiloqrama qədər olan obyektləri qaldırıb.
Sistem bir neçə komponentdən ibarətdir: avtonom sualtı axtarış aparatı, əvvəlcə dənizin dibini skan edən kiçik robot pilotsuz aparat, xidmət gəmisi və zibilin yığılması üçün avtonom ponton konteyneri.
Əl 4000 Nyuton tutma gücünə malikdir və onun kövrək şüşə və ya plastik vedrə kimi əşyaları qırmamasını təmin etmək üçün sensorlar daxil edilmişdir. Robotun avtonomiyasını hələ də təkmilləşdirmək lazımdır: məsələn, kabel vasitəsilə xidmət gəmisinə qoşulduqda, batareya təxminən iki saat işləyir.
R.İmanov
