"Telegram" mesencerində "Apple" tərəfindən "iOS 26" ilə birlikdə təqdim olunan "Liquid Glass" dizayn kodunun tətbiqi üzərində işləyir.
“İki sahil” xəbər verir ki, bu barədə "Kod Durova" nəşri məlumat yayıb.
Jurnalistlər mesencerin versiyalarından birində şüşə və yarımşəffaf interfeys elementlərindən istifadə edən yeni dizayn aşkar ediblər.
Mesencerin redizaynı son illərdə ən diqqətçəkənlərdən biri olacaq. Bununla belə, yeniləmənin buraxılış tarixi hələ dəqiqləşdirilməyib.
Daha çox hesablama gücü tələb edən yeni vizual həllər və animasiyaların qadcetlərin batareyasının ömrünə nə qədər təsir edəcəyi məlum deyil.
Yeni "Liquid Glass" dizaynını özündə əks etdirən "iOS 26" "iPhone 11", "iPhone SE" (2020) və daha yeni modellər üçün sentyabrın 15-də buraxılıb. Üçüncü tərəf proqram tərtibatçılarının öz xidmətlərində "Apple"ın yeni dizayn kodunu daha fəal şəkildə tətbiq etmələri gözlənilir. Yeniləmə yeni "Apple" smartfonları: "iPhone 17", "iPhone 17 Pro", "iPhone 17 Pro Max" və "iPhone Air" ilə birlikdə təqdim edilib.
