İsraildə yenidən genişmiqyaslı hökumət əleyhinə nümayişlər keçirilir. Aksiya iştirakçıları, xüsusən Təl-Əviv və Yerusəlimdə toplaşaraq, HƏMAS-la razılaşma bağlanmasını və girovların azad edilməsini tələb edirlər.
Musavat.com xəbər verir ki, etirazçılar eyni zamanda ABŞ prezidenti Donald Trampa müraciət edərək müharibəyə son qoymağı və əsir götürülən israillilərin xilas edilməsini istəyiblər.
Məlumata görə, yüzlərlə nümayişçi ölkənin mərkəzində yerləşən Kfar-Saba şəhərində keçirilən tədbirə daxil olub. Burada baş nazir Binyamin Netanyahunun rəhbərlik etdiyi “Likud” partiyasının üzvləri yəhudi Yeni ilini qeyd edirdilər. Polis hadisə yerində etirazçıları binadan uzaqlaşdırmağa çalışır.
Musavat.com
