Fransa prezidenti Emmanuel Makron Fələstin dövlətini tanıdığını bəyan edib.
“Mən bu gün Fransanın Fələstin dövlətini tanıdığını elan edirəm” dedi Makron. O, bu barədə Fələstin məsələsinə dair konfransın keçirildiyi Nyu-Yorkda BMT-nin baş qərargahında məlumat verib.
Fransa BMT çərçivəsində konstruktiv dialoqa və davamlı sülhə nail olmaq üçün region ölkələri ilə tərəfdaşlığa ümid edir.
Bundan əvvəl Portuqaliya Fələstin dövlətini tanımışdı.
Bundan əlavə, Kanada, Avstraliya və Böyük Britaniya daha əvvəl Fələstini müstəqil dövlət kimi tanımaq qərarını təsdiqləyib. Bu qərarlar Qəzza zolağında davam edən münaqişə fonunda qəbul edilib və münaqişənin sülh yolu ilə nizamlanmasına və iki dövlətin yaradılması prinsipinin həyata keçirilməsinə dəstək vermək məqsədi daşıyır.
