Reyting.az portalından əldə olunan məlumata əsasən, ain.az xəbər verir.
İtaliyada on minlərlə insan Qəzza üçün küçələrə çıxıb. Ölkədə məktəblər və qatarların hərəkəti dayandırılıb, limanlar bağlanıb. Reyting.az-ın məlumatına görə, İtaliya hökuməti Fələstini tanımaqdan imtina edərkən, ictimaiyyət hökumətin susqunluğuna reaksiya verib və İsraillə əməkdaşlığa son qoyulmasını tələb edib.On minlərlə insan Fələstinə görə İtaliya küçələrinə axışıb. Bu nümayişlər Avropada İsrailin Qəzzaya hücumlarına qarşı ən böyük nümayişlərdir. Etirazlar Fransa və bir sıra digər ölkələrin Fələstin dövlətini BMT-də tanımağa hazırlaşmasından sonra baş verib. Böyük Britaniya, Avstraliya, Portuqaliya və Kanada həftə sonu Fələstin dövlətini tanıdıqlarını elan ediblər.İtaliya hökuməti isə Fələstini tanımaqdan imtina edib. Baş nazir Giorgia Meloni daha əvvəl deyib ki, Fələstini tanımaq xeyirdən çox zərər verə bilər: “Əgər mövcud olmayan bir şey kağız üzərində tanınırsa, problem həll edilmiş kimi görünə bilər, amma belə deyil”.Lakin bu bəyanat italyan xalqı üçün kifayət etməyib. Ölkə üzrə müstəqil həmkarlar ittifaqı bazar ertəsi günü 24 saatlıq ümumi tətilə çağırıb. Məqsəd Qəzza xalqı ilə həmrəylik nümayiş etdirməkdir.Milandan Palermoya qədər ən azı 75 şəhərdə izdiham toplaşıb. Genuya və Livornoda liman işçiləri işi dayandırıblar və İtaliyanın İsrailə silah göndərilməsi üçün baza kimi istifadə olunduğunu iddia edərək ümumi tətilə başlayıblar. Romada Termini stansiyasının qarşısına 20 mindən çox insan toplaşıb. İzdiham Fələstin bayraqlarını dalğalandıraraq “Azad Fələstin!” şüarları səsləndirib.
İştirakçılar Qəzzanın blokadasını yarmaq məqsədi daşıyan “Qlobal Sumud Donanması”na da dəstək veriblər. Təşkilatçılar Milanda 50 min insanın yürüş etdiyini açıqlayıblar. Milanda da gərginlik artıb. Qara geyimli bəzi etirazçılar qatar stansiyasının girişini yarmağa çalışıblar.Polislə qarşıdurmada tüstü bombaları, daşlar və butulkalar atılıb. Polis gözyaşardıcı qaz və su şırnaqları ilə cavab verib.E. KAMAL
Sonrakı hadisələr barədə daha çox məlumat almaq üçün ain.az saytını izləyin.
