İndoneziya hakimiyyəti 2028-ci ilə qədər paytaxtın Cakartadan Nusantaraya köçürülməsi prosesini yekunlaşdırmağı planlaşdırır.
Bakıvaxtı.az "Jakarta Globe" qəzetinə istinadən xəbər verir ki, bu barədə prezident administrasiyasının rəhbəri Məhəmməd Kodari bəyanat yayıb.
Kodari bildirib ki, İndoneziya Prezidenti Prabovo Subiantonun göstərişinə uyğun olaraq dövlət qurumları üçün zəruri olan bütün binaların tikintisi 2028-ci ilə qədər başa çatdırılacaq. Bu, yeni paytaxta dövlət hakimiyyəti mərkəzinin standartlarına cavab verməyə imkan verəcək.
Qeyd edək ki, 2014-2024-cü illərdə İndoneziya prezidenti vəzifəsində çalışmış Coko Vidodo 2019-cu ildə İndoneziyanın paytaxtının Cakartadan köçürülməsi ideyasını irəli sürmüşdü. İlkin olaraq metropolun 2024-cü ilə qədər Kalimantan adasında görünməsi planlaşdırılırdı. Bu məqsədlər üçün 32 milyard dollara yaxın vəsait ayrılmışdı, lakin koronavirus pandemiyası layihənin dayandırılmasına səbəb olmuşdu.
Gülşən Şərif
