ain.az, Reyting.az saytına istinadən bildirir.
Respublikaçı senator Lindsi Qrem ABŞ prezidenti Donald Trampın Ukraynanın bütün ərazisinə nəzarəti bərpa etmək perspektivləri ilə bağlı bəyanatına cavab verib. Reyting.az-ın məlumatına görə, senator “X” sosial media platformasında prezidentin bu sözlərini “döyüş nöqtəsi” adlandırıb.“Prezident Trampın Ukrayna müharibəsi ilə bağlı Avropanın dəstəyi və Amerika silahları ilə Ukraynanın Rusiyanı öz ölkəsindən çıxara biləcəyinə inandığı bəyanatı dönüş nöqtəsidir”, - Qrem yazıb.O vurğulayıb ki, Vaşinqtonun NATO vasitəsilə yüksək keyfiyyətli silah tədarükünü davam etdirməyə hazır olması “Rusiya üçün hərbi vəziyyəti kəskin şəkildə dəyişir”.Senator əlavə edib ki, hərbi yardımı Rusiyadan ucuz enerji alan ölkələrə, xüsusən də Çin, Hindistan və Braziliyaya iqtisadi təzyiqlə birləşdirmək “qan tökülməsinə ləyaqətlə və ədalətlə son qoymaq” şansı verə bilər.“Prezident Tramp Rusiya iqtisadiyyatının stress altında olduğunu qiymətləndirməkdə haqlıdır və əgər biz ucuz rus nefti və qazı almağı bu yolu seçənlər üçün zəhərli hala gətirsək, vəziyyət daha da pisləşəcək. Qan tökülməsinə son qoymağın vaxtıdır. Yaxşı, cənab prezident”, - Qrem qeyd edib.Xatırladaq ki, ABŞ prezidenti Ukraynanın bütün ərazisini ilkin sərhədləri daxilində geri almaq üçün hər cür şans olduğuna işarə edib. Bildirib ki, Rusiya lideri Vladimir Putin çox böyük iqtisadi çətinliklərlə üzləşib. O hesab edir ki, indi Ukraynanın hərəkətə keçmə vaxtıdır.ELÇİN
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
