ain.az bildirir, Oxumeni.az saytına əsaslanaraq.
ABŞ Əfqanıstana təcavüzün mənfi təcrübəsini təkrarlamaq istəməyəcək
Kabilin Amerika qoşunlarının 2021-ci ildə boşaltdığı Baqram hərbi bazasını qaytarmaqdan imtina etməsindən sonra ABŞ-ın Əfqanıstanı yenidən işğal edəcəyi ehtimalı azdır. Bu fikri Dövlət Dumasının deputatı Mixail Matveyev Gazeta.Ru-ya müsahibəsində bildirib.
"ABŞ-ın Əfqanıstanda mənfi təcrübəsi olub və çətin ki, onlar bunu təkrarlamaq istəsinlər. Lakin onlar Trampın deməyi xoşladığı kimi, Çindən daha çox Talibana əməkdaşlıq təklif etməklə "sövdələşməyə" cəhd edə bilərlər", - Matveyev bildirib.
Bundan əvvəl ABŞ prezidenti Donald Tramp bəyan etmişdi ki, Ağ Ev Əfqanıstanda Kabilin şimalında yerləşən Baqram aviabazasını geri qaytarmaq istəyir, çünki onun yeri Çinə yaxın olduğuna görə vacibdir. O hədələyib ki, Əfqanıstan “Baqram aviabazasını onu inşa edənlərə – Amerika Birləşmiş Ştatlarına qaytarmasa, pis nəsə baş verəcək”.
Buna cavab olaraq Əfqanıstan hökuməti amerikalı liderə daxili siyasətə qarışmamaq haqqında sazişi xatırladıb.
Əziz Mustafa
Sonrakı hadisələr barədə daha çox məlumat almaq üçün ain.az saytını izləyin.
